Ég er líka búin að vera að bíða eftir þessum degi........

þar sem fólkið segði "nú er komið nóg" .

Ég og mín fjölskylda erum ein af þessum þúsundum sem sitja enn heima við eldhúsborðið, brjáluð á ástandinu, en gerum EKKI NEITT

Held að sá tími sé liðinn, þar sem ég sá húsbóndann á heimilinu garga á sjónvarpsfréttirnar áðan þar sem voru viðtöl við "ráðamenn" þessarar þjóðar!!!!!

Hann er einn af þessum mönnum sem þurfa mikið til að verða reiðir og taka afstöðu, en þegar minn karl er farinn að garga fyrir framan sjónvarpið, þá er sko mikið sagt

Ég held að þeir sem halda um stjórnartaumana þessa dagana geri sér ekki grein fyrir hversu reiður hin almenni borgari er   En ef þeir halda áfam á spömu braut er ég hrædd um að þeim verði gerð grein fyrir því 

„Fólk var að bíða eftir þessum degi“

Svalbarði......

Var á flakki um stöðvarnar í kvöld og datt inn á þáttinn Svalbarða.   Ágætis afþreying, og gestir þáttarins voru Ingibjörg Sólrún utanríkisráðherra og Haffi Haff Eurovision þátttakandi með meiru.

Mjög áhugaverð viðtöl sem Þorsteinn tók við þau.   Það sem mér þótti einna fyndnast í þessu öllu, (sem átti ekki að vera grín) var að Ingibjörg Sólrún átti í mestu vandræðum með að muna hvaða 3 afríkuríki hún hafi heimsótt :)  

Halló Hafnarfjörður :)  Verið þið bara heima og heimsækið fólkið í landinu.   Íslenska landakortið er mun auðveldara að muna heldur en heimskortið

Svei mér þá .......

ef það þarf ekki hreinlega að klóna hann Geir Jón.   Er nokkuð viss um að ef hann og svona c.a. 1-3 hans líkir hefðu mætt á staðinn og rætt við menn að úr málum hefði leyst án átaka.

Til að taka af allan vafa þá styð ég vörubílstjórana í þeirra aðgerðum.  

Eftir að hafa horft á beina útsendingu frá vettvangi í dag þá mátti sjá margt ámælisvert hjá báðum hópum, en auðvitað er alltaf misjafn sauður í mörgu fé, bæði hjá vörubílstjórum og lögreglu.

Mótmælin fóru úr böndunum

Mótmæli

Þennan póst fékk ég sendan og kem honum hér með á framfæri.  

Halló allir saman

Eins og fram hefur komið í fréttum sjónvarps og útvarpinu hafa bílstjórar á
vörubílum og treilerum efnt til mótmæla vegna hækkun eldsneytis og munu þeir
gera þetta áfram næstu daga.   Mér finnst þetta meiri háttar hjá þeim og
synd að við Íslendingar skulum ekki standa meira saman þegar eitthvað svona
ber að dyrum.  Í Noregi, Svíþjóð og Finnlandi, svo eitthvað sé nefnt, þá
stendur hver þjóð saman og gera eitthvað rótækt og því þykir mér synd að við
svona lítil þjóð skulum ekki geta staðið betur saman.  Ég skora því á ykkur,
alla landsmenn, að standa saman og mótmælum allri þessari  hækkun sem er á
leið til okkar og sem komin er og flauta bara eitthvað skemmtilegt ef þið
lendið í biðröð með stóru bílunum og einnig skora ég heldur betur á ykkur að
fara EKKI í eina einustu búð þriðjudaginn 1. apríl.  Það er alveg hægt að
versla á mánudaginn og miðvikudaginn en við
 skulum standa saman og fara EKKI í búð á þriðjudaginn vegna þeirra hækkunar
sem eru að koma á mjólkurafurðina og fleira  :)

Hingað til hef ég verið frekar léleg í að taka þátt, en eftir ferð mína í Krónuna í gær held að ég taki nú bara þátt í þessum mótmælum

Ekki vildi ég vera ..........

í sporum foreldra krakka sem eiga við hegðunarvandamál að stríða.   Held að mitt fyrsta verk væri að taka þau úr skóla og hafa þau undir mínu eftirliti allan daginn.   En má ég taka þau úr skóla????  Gæti ég sótt um undanþágu frá skólaþátttöku á þeim forsendum að ég væri of fátæk til að greiða ef barnið gerir eitthvað af sér?    Hvað með íþróttirnar?  Borgar sig nokkuð að leyfa þeim að taka þátt í þeim ef ske kynni að þau misstu stjórn á skapi sínu??? 

Ef þessi dómur kemur til með að standa í Hæstarétti þá er ég ansi hrædd um að dómstólarnir fái nóg að gera á næstunni.   Veit nefnilega um nokkur tilvik þar sem nemendur hafa gengið í skrokk á kennurum og starfsfólki skóla, svo illa að fólk hefur verið óvinnufært einhverja daga á eftir.

Dæmd til að greiða kennara 10 milljónir í bætur

Forseti USA

Fann þetta skemmtilega próf á síðunni hjá Agli Helgasyni.   Það sýnir hver höfðar mest til þín af þeim sem eru í kjöri  í forkosningum forseta USA.   Kom mér svolítið á óvart hverning röðin hjá mér var.

1  Mike Gravel   53 stig    (veit ekki hver hann er!!!!!)

2  Obama            51 stig

3  Clinton             49 stig    (held með henni)

Kom mér samt ekki á óvart að sá sem rekur lestina og ég á litla samleið með er McCain með einungis 9 stig

 

Linkur á prófið:  http://www.wqad.com/Global/link.asp?L=259460

HVÍLÍKT BULL !!!!!!!

Fáa menn hef ég hitt sem eru eins vel að sér eins og Helgi afi.  

Áður fyrr sótti hann mig reglulega um helgar og fór með mig í bíltúra niður á bryggju.  

Bíltúrarnir snerust yfirleitt um það, að fræða mig um hitt og þetta í heiminum.   (Begga hvað heitir höfuðborg Ísrael????  Begga hvað heitir höfuðborg Egyptalands???  Begga hvað er stæðsta spendýr í heimi???   Sjáðu Begga mín, hvað heitir þetta fjall???  Nú veistu það ekki.   Þetta er Lyklafell.   Það heitir Lyklafell því það sameinar þrjár sýslur. Gullbringu-, Kjósa- og Árnessýslu.  Þessi litla 8 ára gamla stúlka hefur ekki gleymt fróðleiknum sem afi kenndi þó hún sé kominn hátt á fertugsaldur í dag.

Afi  var miklum gáfum gæddur, þó hann hafi ekki verið langskólagenginn.   Hann hafði bara aldrei tækifæri á því.   Hann fór c.a. 13-14 ára að vinna.   Þurfti að afla til heimilisins þar sem móðir hans var einstæð með þrjú önnur börn. 

Hann hefði getað gert svo mikið ef hann hefði haft ráð til, en það var einfaldlega ekki í boði .  Núna horfir hann á (guttana sem stýra fleyinu) mennina sem ráða.  Hann og frúin eru komin á „ellilífeyris“ og „lífeyrissjóðs“ tekjur.   

Þau hafa sameiginlega í tekjur c.a. 230.000 pr. mánuð.   Þetta er fólk er búið að vinna alla sína „hunds og kattartíð“ .  Aldrei kvartað og aldrei spáð í hvernig náunginn hafi það,  alltaf haft fremst í huga hverning börn, barnabörn og barnabarnabörn hafa það.   Reynt að gefa jólagjafir til hópsins, sem tekur c.a. 2/3 af tekjunum því þau vilja ekki vera „minni“ en hinir.  Kröfurnar eru bara orðar svo miklar!!!!!.  

Mikið vildi ég að heimurinn væri orðin eins einfaldur og áður fyrr.   Það að spurningarnar snérust um stórar höfuðborgir, kennileiti í okkar nánasta umhverfi, eða bara allt annað sem ekki kostar og snýst um PENINGA.

 

Forstjóralaun hjá Glitni 266 milljónir

Áfram Ísland

Nú er ekkert annað í boði heldur en að taka Ungverja í bakaríið.   Áfram svo strákar, þið getið þetta alveg.

Frábært hjá strákunum

Hér er allt í stuði með guði og gleðin skín úr andlitum heimafólks.   Þeir eru auðvitað bara bestir

ÁFRAM ÍSLAND 

18. janúar........

Sit hér við tölvuna og spái í hvað ég eigi að skrifa um   Er einhvern vegin frekar andlaus í dag.  Er búin að fara bloggvinarúntinn,  Ragga, móðir í hjáverkum, Ragnhildur, Jensguð og jenfo(Jenný).   Alltaf jafn gaman og gefandi að lesa bloggin hjá þessu yndislega fólki.    Það sem mér finnst best með bloggið er það að maður kynnist og les blogg hjá fólki sem hefur mjög svipaðar skoðanir og áherslur eins og maður sjálfur.  Það er fólkið sem ég kýs að hafa sem bloggvini mína