HVÍLÍKT BULL !!!!!!!

Fáa menn hef ég hitt sem eru eins vel að sér eins og Helgi afi.  

Áður fyrr sótti hann mig reglulega um helgar og fór með mig í bíltúra niður á bryggju.  

Bíltúrarnir snerust yfirleitt um það, að fræða mig um hitt og þetta í heiminum.   (Begga hvað heitir höfuðborg Ísrael????  Begga hvað heitir höfuðborg Egyptalands???  Begga hvað er stæðsta spendýr í heimi???   Sjáðu Begga mín, hvað heitir þetta fjall???  Nú veistu það ekki.   Þetta er Lyklafell.   Það heitir Lyklafell því það sameinar þrjár sýslur. Gullbringu-, Kjósa- og Árnessýslu.  Þessi litla 8 ára gamla stúlka hefur ekki gleymt fróðleiknum sem afi kenndi þó hún sé kominn hátt á fertugsaldur í dag.

Afi  var miklum gáfum gæddur, þó hann hafi ekki verið langskólagenginn.   Hann hafði bara aldrei tækifæri á því.   Hann fór c.a. 13-14 ára að vinna.   Þurfti að afla til heimilisins þar sem móðir hans var einstæð með þrjú önnur börn. 

Hann hefði getað gert svo mikið ef hann hefði haft ráð til, en það var einfaldlega ekki í boði .  Núna horfir hann á (guttana sem stýra fleyinu) mennina sem ráða.  Hann og frúin eru komin á „ellilífeyris“ og „lífeyrissjóðs“ tekjur.   

Þau hafa sameiginlega í tekjur c.a. 230.000 pr. mánuð.   Þetta er fólk er búið að vinna alla sína „hunds og kattartíð“ .  Aldrei kvartað og aldrei spáð í hvernig náunginn hafi það,  alltaf haft fremst í huga hverning börn, barnabörn og barnabarnabörn hafa það.   Reynt að gefa jólagjafir til hópsins, sem tekur c.a. 2/3 af tekjunum því þau vilja ekki vera „minni“ en hinir.  Kröfurnar eru bara orðar svo miklar!!!!!.  

Mikið vildi ég að heimurinn væri orðin eins einfaldur og áður fyrr.   Það að spurningarnar snérust um stórar höfuðborgir, kennileiti í okkar nánasta umhverfi, eða bara allt annað sem ekki kostar og snýst um PENINGA.

 

Forstjóralaun hjá Glitni 266 milljónir

Athugasemdir

[KátaLína (IP-tala skráð) 1.2.2008 kl. 01:15]

Ég átti líka svona afa og ömmur, þekki það sem þú talar um. Okkar kynslóð hefur verið skömmuð fyrir að vera ekki jafn róttæk og "sixties" ekki jafn jarðbundin og "forties". "seventies" og "eighties" þykir almennt hallærislegt. Hvernig væri að við færum nú að sýna að við erum ekki bara þæg, að við hugsum og höfum lært af öllu þessu?

Ég hef lært að þeir sem hrópa hæst og bjóða bestu tilboðin eru sjaldnast að hugsa um mína velferð, t.d.

En þú?