Spaugstofan

Var að horfa á blessaða Spaugstofuna.   Fannst nú ekkert spes þessi þáttur.   Skildi ekki alveg þetta með Osama og þú ert rekinn.   Finnst nú frekar að þeir hefðu átt að standa með Randver og hætta bara allir.   Mér er líka óskiljanlegt hvernig hægt var að reka Randver einn og sér.   Á hann ekki hlut í fyrirbærinu Spaugstofan.  Væri fróðlegt að sjá hverning tekið yrði á því fyrir dómstólum.  Höfundarlög o.s.frv.   Hefði allavegna haldið að 20 ár undir sama vörumerki ættu nú að vera einhvers virði.

Eitthvað er veðrið.....

að fara í skapið á mér núna.   Manni finnst bara eins og það sé kominn vetur 1,2 og 3.   Samt á maður nú ekki að kvarta   Veðrið í sumar er eitt af því flottasta sem verið hefur.  Allavegna fékk ég bara nóg í gær og pantaði ferð til Tenerife og með í för verður minn ekta og unglingarnir tveir ásamt einum vini þeirra (sem er nánast orðin fóstursonur minn) .   Miðað við það sem talað er um gróðurhúsaáhrifin þessa dagana þá held ég að eftir einhvern tíma þá verður maður ekki að panta sér ferðir í sól og yl, heldur pantar maður ferðir í kulda og trekk

Á þetta að vera grín...

Maðurinn er talin hafa framið frekari brot skv. úrskurði Hæstaréttar, en samt draga þeir sex mánuði frá þeirri refsingu sem Héraðsdómur kvað upp.  Þó sá dómur hafi útaf fyrir sig verið skömm   Þarf ekki að fara að gera eitthvað róttækt í þessum málum.   Mér er allavegna nóg boðið

3½ árs fangelsi fyrir nauðgun

Skoðanakannanir

sýna demókrata með of mikið fylgi........   Hvað skal gera?   Bin Landen, hryðjuverk það ætti að duga.

Var það ekki dag sem kom frétt um að Bin Laden ætli að ávarpa Bandaríkjamenn??  

CIA varar við nýjum árásum Al-Qaeda

Skil ekki alveg...

Ef blóðið úr stúlkunni fannst í bíl sem foreldrarnir leigðu 25 dögum eftir hvarf hennar, hvernig í ósköpunum getur þetta allt komið heim og saman.   Á þá barnið að hafa verið í bílnum eða ????  Ekki finnst mér það nú líklegt þar sem foreldrarnir hafa varla átt stund ein frá hvarfi stúlkunnar.   Eitthvað er nú furðulegt við þetta allt saman.

Móðir Madeleine hugsanlega ákærð fyrir manndráp af gáleysi

Útsýnið mitt

Mér er gersamlega ómögulegt að skilja þessa áráttu að reisa blokkir við sjávarsíðuna. Ég var með þetta fína útsýni yfir gamla bæinn í Hafnarfirði, en nú eru þar komnar blokkir sem loka á öll gömlu fallegu húsin. Annars finnst mér þessi blokkarbyggð þarna á stæði gömlu Bæjarútgerðarinnar ekki sérlega traustvekjandi. Afi gamli tók þátt í að gera bryggjuna. Samkvæmt honum þá er uppfyllingin þarna frekar létt í sér og stálþilin sem þeir settu þarna niður áttu ekki að endast nema í fimmtíu ár. Sagðist ekki myndi búa þarna þó honum yrði gefin íbúð .  En verkfræðingarnir hljóta að vita hvað þeir eru að gera. Annars er það búið að berast mér til eyrna að ein byggingin sé farin að síga………..

En hvað veit ég svo sem, enda ekki með verkfræðimenntun

Ja hérna

Og sumir eiga 3 börn einn og sama daginn.   Hvernig myndir þú höndla það Brad ???

Pitt vill gera fjölskyldu sína að lifandi fyrirmynd

Kaffistofa Samhjálpar

Var að lesa frétt þess efnis að loka ætti kaffistofu Samhjálpar. Þar hefur í gegnum árin verið unnið óeigingjart starf í þágu þeirra sem hvergi eiga höfði sínu að halla. Mikið vona ég að henni verði fundin nýr staður sem fyrst.   Ekki held ég að þetta eigi eftir að bæta ástandið í miðbænum.

Svar

Já það kom mér bara þægilega á óvart að fá svar frá heilbrigðisráðherra á tölvupóstinn minn vegna bréfsins sem við í netheimum sendum á þriðjudagsmorguninn. Vonandi var þetta til að ýta örlítið við þeim.

Svar ráðherra.

"Góðan dag, Þakka þér fyrir þá áskorun sem heilbrigðis- og tryggingamálaráðuneytinu hefur borist frá þér varðandi kjör öryrkja og aldraða. Í stefnuyfirlýsingu núverandi ríkisstjórnar kemur fram áhersla á að styrkja stöðu aldraðra og öryrkja. Meðal annars verður unnið að framgangi málsins með einföldun á almannatryggingakerfinu, með því að draga úr tekjutengingum og skerðingum bóta og með því afnema tekjutengingu launatekna 70 ára og eldri við lífeyri almannatrygginga sem og skerðingu tryggingabóta vegna maka. Þá er stefnt að því að fylgt verði eftir tillögum örorkumatsnefndar um stóraukna starfsendurhæfingu og nýtt matskerfi varðandi örorku og starfsgetu. Jafnframt verði komið til móts við þann hóp sem er með varanlega skerta starfsorku. Hafin er vinna við tilfærslu verkefna milli heilbrigðis- og tryggingamálaráðuneytis annars vegar og félagsmálaráðuneytis hins vegar með það fyrir augum að auka skilvirkni og einfalda yfirsýn. Stefnt er að því að þeirri vinnu ljúki fyrir árslok og næsta skref er þá að móta tillögur og aðgerðaáætlun sem m.a. snertir á ofangreindum þáttum í stefnuyfirlýsingunni. Í tölvupóstinum er einnig áskorun sem tengist lyfjaverði. Markmið mitt í þeim málum er í stórum dráttum tvíþætt: annars vegar að lækka lyfjaverð til einstaklinga og hins vegar að lækka lyfjakostnað ríkisins. Tillagna er að vænta í þeim málum á næstunni. Þær ábendingar sem fram koma í tölvupóstinum eru mikilvægar og munu verða teknar alvarlega við þá vinnu sem í gangi er.

Með góðri kveðju,

Guðlaugur Þór Þórðarson "

Legg til.....

að mæld verði lífskjör aldraðra og öryrkja á Íslandi v kjörum sömu hópa erlendis.   Held nú að útkoman verði ekki sú sama    Mitt álit er allavegna að lífskjör þeirra sem minnst mega sín eiga að endurspegla lífsgæði þjóðar.

Ísland í öðru sæti á efnahags- og lífsgæðalista